::Comunicaos
Fai! axúntase a la convocatoria d'actu unitariu pal 8 Setiembre en Xixón
La organización d'esquierda soberanista quier asoleyar públicamente'l so sofitu a la convocatoria entamada pola "Plataforma Unitaria 8S" como día de rempuesta al cuadonguismu españolista impuestu, a la negación de los derechos coleutivos del pueblu asturianu y al retrocesu social y esfarrape medioambiental que siguimos careciendo metanes de la crisis capitalista.
[+]
04 de Setiembre de 2010
::Ecoloxía
Fai! torna a desixir l'abolición de les corríes de gües n'Asturies na convocatoria de Xixón y con un mural nuevu
La organización d'esquierda soberanista tuvo otra vuelta presente na movilización polos drechos de los animales entamada por ANADEL en Xixón demientres el públicu sádicu taurín entraba a la plaza d'El Bibio. Al tiempu, Fai! quixo aprovechar el momentu pa facer un mural antitaurín en Cualloto. ¡Esto ye Asturies, nin imposición cultural nin tortura animal!
[+]
16 d'Agostu de 2010
::Comunicaos
Fai! participó nel Rebrot 2010, entamáu por Maulets, la mocedá revolucionario independentista de los Païssos Catalans
La organización d'esquierda soberanista acudió a les actividaes entamaes pola esquierda independentista de los Païssos Catalans en Berga nel yá míticu alcuentru del Rebrot, nel que la formación política, el debate y la folixa autoxestionao son protagonistes. Fai! quixo asina sofitar a la esquierda independentista catalana, al tiempu d'esparder les problemátiques nacionales acuyá de les nueses llendes.
[+]
27 de Xunetu de 2010
::Derechos y llibertaes
Fai! cellebró esti 28 de xunu l'Arguyu LGTB en Xixón con Xente Gai Astur
La organización d'esquierda soberanista acudió a la manifestación reivindicativa convocada pola organización de defensa del coleutivu LGTB n'Asturies pa desixir, otra vegada más, la dignificación y normalización de toles opciones sexuales y afectives. Esti añu centróse la reivindicación especialmente na tresexualidá, con una marcha d'arguyoses y arguyosos na que'l color y la música foron dominantes. ¡Por una Asturies llibre de fobies! (Semeyes y crónica)
[+]
30 de Xunu de 2010
::Comunicaos
Fai! refuga públicamente aconceyar cola estaya moza del PSOE d'Uviéu
La organización d'esquierda soberanista, que recibió un convite al traviés del corréu electrónicu, y tres d'aconceyar la so Asamblea Xeneral, asoleya un comunicáu nel que se desplica que nun se dan les condiciones mínimes necesaries pa entamar nengún contautu con MSU mientres qu'esta organización "tea vinculada col PSOE y siga los sos entamos ideolóxicos" polo que llamó a la so militancia a "que si de verdá tienen interés n'afondar na oposición a estos proyeutos faigan un apueste seriu y valiente pola ruptura col so partíu" y "trabayar dende un bloque social alternativu al malgobiernu d'Asturies y d'Uviéu".
[+]
23 de Xunu de 2010
::Ecoloxía
Fai! tuvo na concentración escontra la incineradora de residuos en Xixón
La organización d'esquierda soberanista acudió a la convocatoria de la Plataforma de Ganaderos y Afectaos escontra la Incineradora y del Consorciu Cívicu pa refugar la instalación d'un fornu de residuos na enésima midida contra'l patrimoniu ambiental y la salú de los y les asturianos/es. Na pancarta de Fai! podía lleese "La puxarra ta pa reciclar, non pa gobernar". Semeyes y analís na noticia.
[+]
06 de Xunu de 2010
::Derechos y llibertaes
Fai! cellebró'l día nacional asturianu con un conciertu en Xixón
Semeyes y crónica d'una xornada de Folixa Nacional onde los grupos Mallacán, La Tarrancha, Arma X, Galán y Da Robotz ficieron xuntase a casi doscientes persones pa conmemorar el 202 aniversariu de la soberanía popular, la creación de la bandera y del exércitu asturianos.
[+]
03 de Xunu de 2010
